Ўтган ўйин

Про-лига 2021
24.03.2021
«Динамо»
«Динамо» стадиони
2:1

СУПЕРЛИГА - 2019

Жамоа Ў Т-Н О
1 Пахтакор 26 75-18 69
2 Локомотив 26 39-16 49
3 Бунёдкор 26 37-33 43
4 Сўғдиёна 26 29-29 40
5 Металлург 26 32-25 35
6 Сурхон 26 26-33 35
7 Насаф 26 34-27 33
8 Навбаҳор 26 26-23 32
9 АГМК 26 36-37 32
10 Андижон 26 23-37 28
11 Қўқон-1912 26 31-45 26
12 Бухоро 26 18-37 24
13 Динамо 26 25-47 24
14 Қизилқум 26 24-48 24

СУПЕРЛИГА - 2019

26-тур Металлург 2-0 Сурхон
26-тур Бухоро 2-1 АГМК
26-тур Қўқон-1912 1-1 Навбаҳор
26-тур Насаф 1-2 Динамо
26-тур Андижон 1-0 Қизилқум
26-тур Локомотив 0-0 Пахтакор
26-тур Бунёдкор 2-2 Сўғдиёна
25-тур Сўғдиёна 1-1 Насаф

Тўпурарлар

Қадамбой Нурметов 5 (0)
Амиржон Сафаров 2 (0)

Тугилган кунлар

Янгиликлар » Клуб хабарлари

ОФК ДЕЛЕГАТЛАРИ САМАРҚАНДДА БЎЛИШДИ

Рукн: Янгиликлар » Клуб хабарлари

1-11 август кунлари Осиё Футбол Конфедерациясининг назорат комиссияси Ўзбекистонда меҳмон бўлди. Шу вақт мобайнида комиссия вакиллари Ўзбекистоннинг ОФК Чемпионлар Лигасининг талабларига қанчалик мос эканлигини баҳоладилар.

Ташриф доирасида улар 14 та Олий лига клубларининг стадионлари ва қаророҳларини кўздан кечиришади. Ўзбекистон Футбол Федерацияси ва Профессионал футбол лигасининг фаолияти билан танишиб чиққан делегатлар ўтган ҳафта давомида вилоятлар ва пойтахт клубларини назоратдан ўтказишди.

Дастлаб, «Пахтакор» клуби назоратдан ўтгач, кейин «Металлург», «Олмалиқ» жамоалари текширилди. Сўнг эса, водий сафари чоғида «Навбаҳор», «Нефтчи» ва «Андижон» жамоалари кўздан кечирилди. 7 август куни ОФК делегатлари Қашқадарёга сафар уюштириб Муборак ва Қарши шаҳри жамоаларидаги ишларни кузатишди. Бир кун ўтиб эса Ғузорнинг «Шўртан» клуби назоратдан ўтказилгач, куннинг иккинчи ярмида Максат Кличмамедов (профессионал футбол), Бенджамин Тан (клублар мусобақалари), Шон Тохиди (медиа ва коммуникация), Брайан Куан (ички аудит), Нгуен Тхи Май Дун (юриспруденция) ва Хозе Карпио (мураббийлар таълими)лардан иборат ОФК делегацияси Самарқандда бўлишиб, «Динамо» футбол клубини кўздан кечиришди. Ўйингох, клуб қароргоҳи, медиа ва коммуникация ва бир қатор жиҳатлар бўйича клубни назоратдан ўтказган ОФК Делегатлари ташриф якунида бир қатор масасаларда олиб борилган ишларни ижобий баҳолаган бўлсалар, айрим жиҳатлар хусусида ўз кўрсатмаларини бердилар.

ОФК делегациясида профессионал футбол мутахасиси Максат Кличмамедов делегатлар ва клуб ҳамда стадион мутасаддилари иштирокидаги ўзига хос йиғилиш олдидан сўзга чиқар экан, авваламбор клуб янги режа ва қурилишлар олиб боришидан олдин ПФЛ мутахасиси Алексей Фролов билан ҳамкорлик қилишини таклиф этди. Зеро, Осиё футбол Федерациясининг клублар олдига қўйган барча мажбуриятларидан Фролов ва ПФЛнинг яхши хабари бор.

ОФК Делегатлари иштирокидаги йиғилишни клублар мусобақалари бўйича мутахасиси Бенджамин Тан бошлаб берди.

Бенжамин Тан:

- Авваламбор, бизни юқори даражада кутиб олганликларинг учун сизларга гуруҳимиз номидан ташаккур билдираман. Мана, мамлакатингизнинг бир қатор жамоалардаги назоратимиздан кейин, «Динамо» футбол клубини ҳам кўздан кечирдик. Гуруҳимиздаги ҳар бир мутахасис ўзининг соҳаси бўйича сизлар билан суҳбатда бўлди, ўзининг зарурий ишларини кўриб чиқди. Жумладан мен ҳам, ўз вазифамни бажариб энди тегишлича кўрсатмаларимни билдирмоқчи эдим. Кузатув назорат давомида «Динамо» клуби яқин орада ҳозирги қароргоҳи ва стадионини реконструкция қилиши ва уларнинг ўрнига деярли янги стадион ва қароргоҳ барпо этилиши бизга маълум қилинди. Ушбу қурилажак иншоотлар барча замон талабларига жавоб бериши билан бирга, ОФКнинг клублар олдига қўйган талабларига ҳам жавоб бериши лозим. Тўғри, жамоангиз бугун халқаро ўйин ўтказмаётганлиги мумкин, аммо эртага терма жамоа ёки клублар миқёсидаги бирор учрашув ўтказилиши ҳеч гап эмас. Шундай экан, стадион қурилаётганда ҳакамлар, футболчилар ечиниш хоналари клуб қароргоҳида эмас, стадионнинг ўзида жойлашиши керак. Матбуот ва ОАВ вакиллари учун ҳам алоҳида шундай жой қилиш керакки, уларнинг ўйиндан кейин футболчилар ва мураббийлар билан учрашлари қийин кечмасин. Шунингдек, журналистлар ва юқори мартабали меҳмонлар ҳам алоҳида ўринларда бўлишлари керак. Биз сизларнинг лойиҳаларингизни кўриб чиқдик. Эътироф этишимиз керакки, лойиҳангиз мақтовга арзигулик. Агар проект амалга оширилса, Самарқандда ажойиб ўйингоҳ барпо этилади. Аммо, ушбу лойиҳани бошлашдан олдин Федерация билан иш олиб боришларинг керак. Чунки, агар стадион барча замон талабларига жавоб берса-ю, ОФК талабларига жавоб бермаса стадионда ҳеч қандай халқаро учрашувлар ўтказилмайди. Шунчаки, сиз пулни бекорга сарфлаган бўласиз.

Бенджамин Тан маърузасидан кейин, сўз навбати ОФКнинг медиа ва коммуникация Департаменти директори Шон Тохидига берилди.

Шон Тохиди:

- Бенжаминнинг фикрларига қўшимча қилган ҳолда, айтмоқчиманки лойиҳангизнинг амалга оширишдан олдин Федерация, улар орқали эса биз билан ҳамкорлик қилишларинг лозим. Чунки, стадион ва қароргоҳдаги ҳар бир хона бизнинг талабимиз даражасида бўлиши керак. Мисол учун, медиа трибуна хонасида айнан ўша соҳага зарурий барча жиҳозлар, керакли ашёлар бўлиши шарт.

Шон Тохиди сўзини якунларкан, йиғилишда ОФКнинг юриспруденция мутахасиси Нгуен Тхи Май Дун хоним сўз олдилар.

Нгуен Тхи Май Дун:

- Гуруҳдошларим сингари мен ҳам ўз соҳам бўйича барча зарурий ҳужжатларни кўздан кечирдим, клуб юристи ва тегишли ходимлар билан суҳбатда бўлдим. Мажбуриятларимни амалга ошириб клубнинг бу борада ҳеч қандай камчиликлари йўқлигига амин бўлдим. Таклифим шундан иборатки, клуб бу борада халқаро ишларни ҳам олиб бориши лозим. Мисол учун клуб юристи соҳа бўйича ўтказиладиган Халқаро анжуманларда иштирок этса, нур устига аъло нур бўларди. Яъни, ўз соҳасидаги барча халқаро маълумотларга эга бўлиб боради.

Брайан Куан (ички аудит):

- Чемпионлар лигасининг асосий критерияларидан бири бу клубларда ички аудитнинг ривожланишидир. Клуб секин-аста ўзини-ўзи қоплай оладиган даражага чиқиши керак. Барча молиявий ахборотлар ҳисобланиши ва аниқ маълумотлар бўлиши керак. Агар клубнинг барча молиявий жиҳатлари аниқ маълум қилинса, клубнинг қандай аҳволда эканлиги билинади. Яъни, биз клубнинг молиявий ҳолатидан доимо бохабар бўлишимиз лозим. Клуб давлат ёки маълум бир кишига қараб қолмаслиги учун ҳозирданоқ менежмент маркетинг ишларини бошлаб юбориши керак. Яъни, мухлислар, томошабинлар, реклама ва бошқа бир қатор йўналишлар бўйича ўзини-ўзи бошқариш кучига эга бўлмоғи зарур.

Анжуманда сўнггида болалар мусобақаси ва мураббийлар таълими бўйича мутахасис Хозе Карпио сўзга чиқиб, ўз маслаҳатларини берди.

Хозе Карпио (мураббийлар таълими):

- Мен соҳам бўйича қилинган ва қилинаётган ишлар ва болалар футболининг бу ердаги ҳолатини кўриб чиқдим. Айтишим лозим, болалар футболини ривожлантириш бўйича қилинган ишлар ва умумий режа яхши ўйланган. Мураббийлар таълими бўйича эса дарвозабонлар мураббийиларига жаҳон даражасида юқори савияли ўқув амалиёти ўтказилса, бу вилоятдан кўплаб маҳоратли дарвозабонларнинг етишиб чиқишига замин яратади деб ўйлайман. Қўшимча қилишим керакки 2013 йилдан бошлаб биз футбол мактабларидан янги критериялар бўйича мажбуриятлар қўямиз. Шулардан, бири футбол мактабдаги мураббийларнинг ўқув билим даражасини ошириш бўлади.

Йиғин якунида делегация вакиллари ўзларнинг барча кўрсатмаларини беришди ҳамда клубдан ҳақидаги ҳисоботларини тайёрлашди.

Ташриф якунлари асосида Ўзбекистон клубларини Осиё Чемпионлар Лигасининг 2011 ва 2012 йилги мавсумларига қўйиш масаласи кўриб чиқилади.

Ўқилди (марта): 2382. Киритилган сана: 2010-08-10 00:00:00.

Навбатдаги ўйин

Про-лига 2021
30.03.2021
«Динамо»
«Истиқлол» стадиони
18:00

Фото-галерея

Сурхон - Динамо 1:0 / Суперлига-2019, 2-тур.
Акмал Бозоров. Динамо жамоаси сардори. 2016 йил, сентябрь
«Пахтакор-2» - «Динамо» - 0:2. 2016, октябрь
Динамо - Локомотив 2-1 / 2019, 12-тур

Сўровнома

ҲОЗИРЧА СЎРОВНОМА ЎТКАЗИЛМАЯПТИ.
Сўровномалар архиви

Хабарлар лентаси

13.10 Эркинжон Турдимов «Динамо» жамоасини Суперлига йўлланмаси билан табриклади
05.09 «Бухоро» - «Динамо». Кўҳна шаҳарлар жамоаларининг 48-тўқнашуви
12.08 Пешқадамлар тўқнашуви: «Динамо» «Нефтчи»нинг Фарғонадаги мағлубиятсиз сериясига чек қўя оладими?
05.05 59 йиллик рақибларнинг 50-тўқнашуви. «Динамо» - «Нефтчи» ўзаро ўйинлари тарихи, таркиблар трансфер баҳоси ва мураббийлар фикри
06.04 Ҳаким Фузайлов: «Динамо» ютган бўлса-да, очиғи ўйиндан қониқмадим»
05.04 «Динамо» «Орол» мағлуб этиб, пешқамликни сақлаб қолди
25.03 Фахриддин Алимов: «Мақсадим – Про лигада тўпурар бўлиш ва «Динамо» билан Суперлигага чиқиш»
25.03 Ҳаким Фузайлов: «Самарқанддаги ажойиб футбол атмосфераси ҳам сўнгги дақиқаларда ғалаба қозонишимизга ёрдам берди»
24.03 Мавсумни ғалаба билан бошладик
23.03 «Динамо» жамоаси таништирув маросимини ўтказди

Видео

UFF.UZ веб-студиясида яратилди.
© 2021. fcdinamo.uz
Барча ҳуқуқлар ҳимояланган.
Сайтдан маълумотлар олинганда fcdinamo.uz манзили манба сифатида кўрсатилиши шарт.